कोल्हापूर:- कोल्हापूरच्या गादीचा आम्ही सन्मान करतो, म्हणूनच शाहू महाराजांनी निवडणुकीला उभे राहू नये असं मी म्हणत होतो, आता ते उमेदवार असल्याने त्यांचा पराभव नक्की आहे असं वक्तव्य राष्ट्रवादीचे मंत्री हसन मुश्रीफ यांनी केलंय. कोल्हापुरात काँग्रेसचा पराभव होणार हे लक्षात आल्यामुळेच शाहू महाराजांना निवडणुकीला उभं केल्याचा आरोपही मुश्रीफांनी केला. हसन मुश्रीफ म्हणाले की, शाहू महाराज यांना निवडणुकीला उभे राहू नका असे ऑलरेडी आम्ही सांगितले होते. मात्र ते आता महाविकास आघाडीचे उमेदवार आहेत, त्यांचा पराभव नक्की आहे. कोल्हापूरच्या गादीचा सन्मान आम्ही करत होतो. म्हणूनच आम्ही त्यांना निवडणुकीला उभे राहू नकाम्हणत होतो. मात्र काँग्रेसचा तिथं पराभव होणार हे लक्षात आल्यामुळे त्यांनी महाराजांना उभं केलं.
